Иш-чарага борбордун мэри Айбек Джунушалиев жана мэриянын башка өкүлдөрү катышты.
Депутаттар заводдун иши, анын ичинде калдыктарды сорттоо, күйгүзүү жана электр энергиясын өндүрүү процессин тууралуу маалымат алышты. Предприятие кызматкерлери автоматташтырылган башкаруу системаларын көрсөтүп, экологиялык коопсуздукту сактоо боюнча чаралар тууралуу айтып беришти.
Айбек Джунушалиевдин айтымында, учурда завод күнүнө болжол менен 1000 тонна катуу калдыктарды кайра иштетип, 30 кВт.ч электр энергиясын өндүрүүгө мүмкүнчүлүк берет. Келечекте заводдун кубаттуулугун кеңейтүү пландалууда.
Депутат Санталат Аманова калдыктарды кайра иштетүү жана жашыл технологиялар боюнча адистерди даярдоо үчүн жогорку окуу жайлары менен кызматташуунун маанилүүлүгүн белгиледи.
Депутат Бурун Аманова заводдо Кыргызстандын жарандарын жумушка орноштуруу, ошондой эле айлык акы жана эмгек шарттары тууралуу суроолорду берди.
Депутат Абдылдабек Эгембердиев Чүй облусунун чет жакаларынан калдыктарды заводго ташуу мүмкүнчүлүгүн карап чыгууну сунуштады.
