Ал логистикалык борборду түзүү идеясы 2023-жылы сунушталганын эске салды, бирок анын айтымында, бул маселе азыркыга чейин чечилген жок.
«Сиздер курулуш 2028-жылга пландалганын билдирип жатасыздар. Бирок маркетплейстердин активдүү өсүшү шартында, эмне үчүн чечим кечигип жатат?» — деп сурады ал өкмөт өкүлдөрүнөн.
Экономика министри Бакыт Сыдыков октябрда маркетплейстердин бири министрликке логистикалык борборду куруу боюнча сунуш менен кайрылганын, андан кийин бул багытта иш күчөтүлгөнүн белгиледи.
Мындан тышкары, Борбиев «көлеңкөлүү» экономикада иштеп жаткан тигүү ишканалары тууралуу суроо көтөрүп, алардын легализациясы үчүн кандай чаралар көрүлүп жатканын сурады.
Бул боюнча Экономика министрлигинен тигүү өндүрүүчүлөргө салык жеңилдиктери берилгенин, маалыматтык иш-чаралар өткөрүлүп жатканын жана зарыл колдоо көрсөтүлүп жатканын билдиришти. Октябрдан бери тигүү тармагындагы катышуучулар үчүн ярмаркалар уюштурулууда — бул чаралар учурда да улантылууда.
