Бишкекте 14-январда Кыргызстандын тышкы иштер министринин орун басары Мелер Абакиров менен Түркиянын өлкөдөгү элчиси Мекин Мустафа Кемаль Окемдин ортосунда жолугушуу болду.
ТИМдин маалымат кызматынын маалыматына ылайык, кыргыз-түрк өнөктөштүгүнүн саясий, соода-экономикалык жана маданий-гуманитардык чөйрөлөрдөгү негизги аспекттери талкууланды. Ошондой эле жыл ичинде жогорку деңгээлдеги визиттер үчүн пландар белгиленди.
Экономикалык кызматташтык маселесин талкуулоодо Түркиянын элчиси Мекин Мустафа Кемаль Окем түрк компанияларынын Кыргызстанга инвестиция салууга кызыгуусун баса белгиледи. Натыйжада, бул чөйрөдө биргелешип иш алып баруу боюнча макулдашууга жетишилди.
