Жаңы нормалар боюнча, 2026-жылдын 1-январынан тарта бул тармактагы ишкерлер 2 115,5 сомдук камсыздандыруу жарнасы жана 440,7 сомдук киреше салыгын төлөшөт, бул жалпы 2 556,2 сомду түзөт. Ошол эле учурда 2026-жылы орточо эмгек акы 44 070 сомду түзөт.
Бул өзгөртүүлөр ички өндүрүүчүлөрдү колдоого, салык жүгүн азайтууга, салыкты башкарууну жакшыртууга, ошондой эле өндүрүштү өнүктүрүү үчүн жагымдуу шарттарды түзүүгө, ички жана тышкы рыноктордогу атаандаштыкка жөндөмдүүлүктү жогорулатууга, жумушсуздукту азайтууга жана сектордун экспорттук потенциалын жогорулатууга багытталган.
