Жаңы эрежелерге ылайык, 2026-жылдын 1-январынан баштап, тигүү өндүрүшү менен алектенген компаниянын ар бир кызматкери үчүн камсыздандыруу жарнасынын өлчөмү орточо айлык эмгек акынын 40%ынан 12% түзөт, бул 2 115,5 сомго барабар. Мындан тышкары, киреше салыгы орточо эмгек акынын 1%ын түзөт, бул 440,7 сомго тең. Ошентип, бир кызматкер үчүн милдеттүү төлөмдөрдүн жалпы суммасы 2 556,2 сомду түзөт.
2026-жылы орточо айлык эмгек акы 44 070 сом деңгээлинде болжолдонууда.
Бул өзгөртүүлөр жергиликтүү өндүрүштү колдоо, салык жүгүн азайтуу, салык башкарууну жакшыртуу, тармакты өнүктүрүү үчүн жагымдуу шарттарды түзүү, товарлардын ички жана тышкы рыноктордогу атаандаштыкка жөндөмдүүлүгүн жогорулатуу, ошондой эле жумушсуздукту жоюу жана бул тармактын экспорттук потенциалын жогорулатууга багытталган.
