Жаңы өзгөртүүлөргө ылайык, Кыргызстанды камтыган айрым мамлекеттердин жарандары үчүн 5 000 ден 15 000 АКШ долларына чейин финансылык кепилдик коюу талап кылынат. Так сумма консулдук кызматкер тарабынан интервью учурунда аныкталат.
Мындан тышкары, арыз берүүлөр I-352 формасын АКШнын Ички коопсуздук министрлигинен алууга милдеттүү, бул форманы консулдук кызматкерден көрсөтмө алган соң гана берүү керек, ошондой эле АКШнын Каржы министрлигинин Pay.gov платформасында кепилдик шарттарына макулдугун тастыктоо зарыл.
Министрлик төмөнкү учурларга көңүл бурууну сунуштайт:
— кепилдик коюу виза алуу үчүн кепилдик бербейт;
— иммигранттын статусу өзгөргөндө же АКШда болуу мөөнөтү ашкан учурда кепилдик кайтарылбайт;
— жаңы эрежелер өзгөртүүлөр күчүнө киргенден кийин берилген арыздарга гана тиешелүү.
Финансылык кепилдик менен виза алган жарандары АКШга кирип-чыгуу үчүн төмөнкү өткөрмө пункттары аркылуу гана өтүшү керек:
— Бостондогу Логан эл аралык аэропорту (BOS);
— Нью-Йорктогу Джон Ф. Кеннеди атындагы эл аралык аэропорт (JFK);
— Вашингтондогу Даллес атындагы эл аралык аэропорт (IAD).
Бул талаптарга ылайык келбөө АКШга кирүүгө же чыгууга тоскоолдук жаратышы мүмкүн.
Көптөгөн чет өлкөлөрдүн бул тизмеге киргизилиши, ошол өлкөлөрдүн жарандары тарабынан виза режиминин бузулушунун жогорку деңгээли менен байланыштуу.
Ошондуктан, Кыргыз Республикасынын Тышкы иштер министрлиги, АКШга сапар пландап жаткан жарандарына, жаңыртылган виза талаптары менен алдын ала таанышып, виза алуу шарттарына так ылайык келүүнү жана кабыл алуу өлкөсүнүн мыйзамдык нормаларынын чегинде болууну катуу сунуштайт.
