«Нелегал» операциясынын алкагында Бишкек ШИИБинин кызматкерлери чет өлкөлүк жарандардын миграциялык нормаларды сактоосун текшерүү жана түшүндүрүү иштерин жүргүзүүдө.
Бишкек ШИИБи белгилегендей, аталган документтердин жоктугу ички иштер органдарында жеке адамды аныктоо жана мыйзамдуу болуу статусун текшерүү үчүн кармоого алып келиши мүмкүн. Рейддердин алкагында 35тен ашык чет өлкөлүк жаран Бишкек ШИИБине документтерин текшерүү жана мыйзамга ылайык чечим кабыл алуу үчүн жеткирилди.
Ошондой эле Бишкек ШИИБи жумуш берүүчүлөр, билим берүү мекемелери жана чакыруу тараптары чет өлкөлүк жарандардын паспортторун же башка жеке документтерин алып коюуга укугу жок экенин белгилейт.
Бишкек ШИИБи чет өлкөлүк жарандарды жана аларды кабыл алган тарапты Кыргыз Республикасынын миграциялык мыйзамдарынын талаптарын катуу сактоого чакырат.
