Бул маалыматты Араван районунун агрардык өнүгүү башкармалыгынын башчысы Галдарбек Мадалиев берди.
Анын билдирүүсүнө ылайык, «Басай» сортундагы капуста январь айында отургузулган жана азыркы учурда түшүм жыйноо жүрүп жатат.
«Бул сезондо 30 гектар аянтка төрт сорт капуста себилген. Азыркы учурда «Басай» сортундагы капустанын түшүмүн жыйноо жүрүүдө. Биз Россияга 45 тонна капуста экспорттодук», - деди Мадалиев.
Капустанын килограммынын баасы 35–40 сомду түзөт. Жалпы түшүмдүн көлөмү 450 тоннага жетет деп күтүлүүдө, ал эми калган сорттордун жыйноосу май айына пландалууда», - деп кошумчалады ал.
2025-жылдын апрель айында Добо-Коргон айылдык аймагындагы фермерлер Араван районунда 90 тонна капуста жыйнап, аны Россиянын Новосибирск шаарына экспортко жиберишкендиги маалымдалган.
