Бишкекте Улуттук инвестиция агенттигинин башчысы Coca-Cola Bishkek Bottlers заводуна визит жасады. Бул тууралуу агенттиктин маалымат кызматынан билдиришти.
Жолугушуу учурунда ишкананын иштөө маселелери каралып, өлкөнүн экономикасына инвестицияларды көбөйтүү мүмкүнчүлүктөрү жана анын келечектеги өнүгүүсү талкууланды.
Компаниянын өкүлдөрү завод 1996-жылдан бери Кыргызстанда ийгиликтүү иштеп жатканын жана ишмердүүлүгү учурунда өндүрүштү өнүктүрүүгө, жумуш орундарын түзүүгө жана бюджетке салык түшүүлөрүн көбөйтүүгө 113 миллион доллардан ашык инвестиция салганын белгилешти.
Келечектеги, 2026-жылы компания өзүнүн ачылганына отуз жыл толорун белгилейт.
Жолугушууда өндүрүш кубаттуулугун кеңейтүү пландарына, жабдууларды модернизациялоого жана өндүрүш инфраструктурасын өнүктүрүүгө өзгөчө көңүл бөлүндү.
Улуттук инвестиция агенттиги компаниянын инвестициялык демилгелерин ишке ашыруу үчүн учурдагы программалардын алкагында преференцияларды алууга жардам берет.
Сабиров ири эл аралык жана жергиликтүү инвесторлор менен кызматташуунун маанилүүлүгүн, ошондой эле компаниянын өлкөнүн социалдык-экономикалык өнүгүүсүнө кошкон салымын баса белгиледи. ```
