Агенттиктин басма сөз кызматынын маалыматына ылайык, жолугушуу заводдун учурдагы ишинин жыйынтыктарын жана Кыргызстан экономикасына инвестицияларды кеңейтүү боюнча келечектеги пландарды талкуулоого арналган.
«Кока-Кола Бишкек Боттлерс» өкүлдөрү 1996-жылы ачылган учурдан тартып компания өндүрүштү өнүктүрүүгө, жумушчу орундарды түзүүгө жана мамлекеттик бюджетке салык түшүүлөрүн көбөйтүүгө 113 миллион доллардан ашык инвестиция салганын айтып беришти. 2026-жылы завод өзүнүн 30 жылдык юбилейин белгилейт.
НАИнин сүрөтү
Жолугушуу учурунда жабдууларды модернизациялоо жана өндүрүш кубаттуулугун кеңейтүү пландарына өзгөчө көңүл бурулду, бул өндүрүш көлөмүн көбөйтүүгө гана эмес, заводдун өлкөнүн экономикасын өнүктүрүүгө кошкон салымын күчөтүүгө да мүмкүндүк берет.
Тараптар долбоорлорду ишке ашыруу үчүн мамлекеттин колдоосун, анын ичинде инвестициялык тартуучулугун жогорулатууга жана башталган долбоорлорду тездетүүгө мүмкүндүк берген ар кандай стимул механизмдерин талкуулашты. Бул чаралар Кыргызстандын өнөр жай потенциалын күчөтүүгө жана инвестициялык климатты жакшыртууга багытталган.
Улуттук инвестиция агенттиги компаниянын инвестициялык пландарын ишке ашырууга жардам берүү үчүн учурдагы механизмдердин алкагында преференцияларды алуу боюнча өз көмөгүн сунуштады.
Жолугушуунун аягында эки тарап конструктивдүү диалогду улантууга жана өз ара пайдалуу кызматташтыкты өнүктүрүүгө даяр экенин билдиришти.
