Жолугушууда Кыргызстандагы ар кандай инвестициялык жана инфраструктуралык долбоорлорду ишке ашыруу мүмкүнчүлүктөрү талкууланды. Негизги көңүл транспорттук инфраструктураны, анын ичинде жолдорду, көпүрөлөрдү жана темир жолдорду куруу жана модернизациялоого, ошондой эле энергетикалык объектилерди жана коммуналдык системаларды өнүктүрүүгө бөлүндү. Мындан тышкары, турак-жай жана комплексдүү шаардык өнүктүрүү тармагындагы долбоорлор, ошондой эле "жашыл" жана санариптик технологияларды киргизүү жөнүндө сөз болду.
CSCEC өкүлдөрү "Белдеу жана жол" инициативасындагы катышуусун камтыган эл аралык тажрыйбалары менен бөлүшүп, кыргыз тарап менен мамлекеттик-жеке өнөктөштүк (PPP), BOT жана EPC сыяктуу ар кандай кызматташуу форматтарын талкуулашты.
CSCEC делегациясын инфраструктуралык курулуш бөлүмүнүн генеральдык директору жана "Чжунцзян Инфраструктуралык курулуш жана өнүктүрүү" ЖЧКнын башкармалыгынын төрагасы Тянь Цян жетектеди.
Равшанбек Сабиров Кыргызстан инфраструктуралык долбоорлорду ишке ашыруу, заманбап технологияларды киргизүү жана инфраструктуранын сапатын жогорулатуу үчүн стратегиялык өнөктөштөрдү тартууга кызыкдар экенин белгиледи.
Тараптардын биринчи жолугушуусу Пекинде кыргыз делегациясынын визити учурунда өттү, ал эми CSCEC өкүлдөрүнүн Кыргызстандагы учурдагы жолугушуусу мурда жетишилген макулдашуулардын улантуусу болуп саналат.
Переговорлордун жыйынтыгында тараптар узак мөөнөттүү инвестициялык кызматташтыкты өнүктүрүүгө жана конкреттүү долбоорлорду иштеп чыгууга даяр экендиктерин билдиришти.
