Анын айтымында, 2025-жылы болжол менен 1 миллион 250 миң гектар жерди эгип, өткөн жылдын ушул мезгилине салыштырмалуу 40 миң гектарга көбөйтүү пландалууда.
Учурда 66 миң гектар аянтка дан өсүмдүктөрү, картошка жана жашылчалар себилди, өткөн жылы бул көрсөткүч болгону 25 миң гектарды түзгөн, деп белгиледи Таштанов.
Анын маалыматына ылайык, буудай 41 миң гектарды, арпа 45 миң гектарды, картошка болжол менен 5 миң гектарды ээлейт. Активдүү эгин себүү иштер Баткен, Ош, Жалал-Абад жана Чүй облустарында жүргүзүлүүдө. Ысык-Көл жана Талас облустарында себүү жаңы башталууда, ал эми Нарын облусунда иштер азырынча башталбай жатат.
Дан өсүмдүктөрү менен камсыздоо 88% түзөт, ал эми башка өсүмдүктөр боюнча 90% чамасында. Республикада 86 дан эгин чарбасы иштеп жатат, алар буудай, арпа, картошка, жүгеринин жана люцернанын уруктарына 30% дотация сунуштайт.
Жыл башынан бери өлкөгө дээрлик 35 миң тонна минералдык тыңайткычы импорттолду, учурда 10 миң тоннадай бар. Жеткирүүлөр уланууда, ал эми тыңайткычтардын баасы түрүнө жараша килограммына 24төн 35 сомго чейин өзгөрүп турат.
Пестициддер менен камсыздоо болжол менен 35% түзөт, жыл сайын жеткирүүлөр муктаждыктардан ашып, жетишсиздик байкалбайт. Техникалык камсыздоо 90% га жетет — өлкөдө 90 миңден ашык айыл чарба техникасы бар, анын ичинен 22 миңи жазгы талаа иштерине тартылган.
Жылына күйүүчү-майлоочу материалдарга муктаждык 42 миң тонна дизель отуну жана 19 миң тонна бензинди түзөт. Нефтетрейдерлердин маалыматына ылайык, автозаправкаларда отун жетиштүү. Мындан тышкары, материалдык резервдерден 7 миң тонна отун жеңилдетилген баада — литрине 74 сомдон бөлүнгөн.
Ошондой эле сезонго 15 миллионго жакын көчөт даярдалган, анын ичинде клубника, малина жана алма дарактары бар. Өлкөдө 22 питомник иштеп жатат.
Таштановдун айтымында, жазгы талаа иштер пландын негизинде өтүүдө. Региондордо фермерлерге пайда болгон маселелерди тез арада чечүүгө жардам берүүчү штабдар түзүлгөн.
