Ал ошондой эле австриялык Doppelmayr компаниясы канат жолдорун куруу менен алектенерин белгиледи.
«2025-жылы жалпы узундугу 4 километр болгон эки канат жолун куруу боюнча келишимге кол коюлган. Быйылкы жылдын май айында бул эки жолду бүтүрөт деп күтүлүүдө. Мындан тышкары, бир ай мурун дагы төрт канат трассасын куруу боюнча жаңы келишимге кол коюлду. Жолдор, электр энергиясы, суу менен камсыздоо жана тазалоо курулмалары сыяктуу башка зарыл байланыштар Кыргыз Республикасынын тиешелүү министрликтеринин тарабынан курулат», — деп кошумчалады Максутов.
Талкууга тема «Ала-Тоо Резорт» ААКнын объектилерин сатуу боюнча аукциондун экинчи этабы башталды
Ошондой эле, ал «Ала-Тоо Резорт» ААКнын объектилерин сатуу боюнча аукциондун экинчи этабы жергиликтүү жана чет өлкөлүк инвесторлор үчүн ачылаарын билдирди.
«Бардык каалагандардын шарттары бирдей. Бирок, жергиликтүү инвесторлорго биз жерди жеке менчикке өткөрүп беребиз, тактап айтканда, кызыл китепти берип, ал эми чет өлкөлүк инвесторлор 49 жылга ижарага жер алышат. Аукцион онлайн форматта өтөт, бул процессин ачык болушун камсыздайт», — деп ишендирди төрага.
Максутов ошондой эле аукциондун биринчи этабынын жүрүшүндө 14 лот сатылганын жана курулуш иштеринин дароо башталганын белгиледи. Бир нече мейманканалар үчүн казылган чуңкурлар бар. Кышында курулуш токтотулду, бирок апрель айында кайра улантылат.
«Ала-Тоо Резорт» долбоору — Борбордук Азияда эң ири тоо-лыжа кластерин түзүүнү максат кылган амбициялуу мамлекеттик баштама. Ал Ысык-Көл облусунда жайгашкан үч негизги аймакты камтыйт — «Жыргалан», «Ак-Булак» жана «Боз-Учук».
Лыжа трассаларынын жалпы узундугу 250 километрден ашат, ал эми курорт жылына 2 миллион туристти кабыл алууга мүмкүнчүлүк берет, 4,6 миңден ашык жумуш ордун түзөт. Биринчи этабында Жыргаланда курорттук инфраструктура үчүн 1 миң 624 гектар даярдалган, анын ичинде трассалар, канат жолдору, подстанция жана инженердик тармактар.
