Сырттагы иш-чаралардын жүрүшүндө ал каттоочулардын ишин уюштуруу деңгээлин баалап, жергиликтүү тургундар жана өзү каттоочулар менен сүйлөшүп, жүргүзүлүп жаткан сурамжылоолордун сапатына жана калктын каттоого катышууга даярдыгына өзгөчө көңүл бурду.
Төраганын айтымында, тургундар жалпы алганда бул кампаниянын маанисин түшүнүп, кызыгуусун билдиришүүдө.
«Айыл чарба каттоосу агрардык сектордун абалы жөнүндө толук маалымат алууга мүмкүнчүлүк берет, анын ичинде жер пайдалануу, малдын башы, айыл чарба өндүрүүчүлөрдүн структурасы жана колдонулган технологиялар тууралуу маалымат. Бул маалыматтар мамлекеттин деңгээлинде стратегиялык пландоо үчүн негизги болот», - деп белгиледи ал.
Каттоо өлкөнүн бардык региондорун камтыйт жана 20-марттан 10-апрелге чейин өтөт. Маалыматтарды чогултуу атайын даярдалган каттоочулар тарабынан жеке сурамжылоолор жана санариптик технологиялар аркылуу жүргүзүлөт.
Улуттук статистика комитети фермерлерди, айыл чарба өндүрүүчүлөрдү жана үй-бүлөлөрдү каттоого активдүү катышууга жана так маалыматтарды берүүгө чакырат.
