Ибраев жасалма интеллект бүгүнкү күндө эл аралык аренада приоритеттүү тема экенин, триллиондогон доллар инвестицияларды өзүнө тартканын баса белгиледи. Анын айтымында, 2025-жылга карата ИИ сектору маанилүү экономикалык натыйжаларды көрсөтүп, глобалдык экономикада эң динамикалуу өнүгүп жаткан тармактардын бири болуп калууда, ал өнөр жай, кызмат көрсөтүү, соода жана финансылык секторлорду камтыйт.
Ал ошондой эле союзга катышкан өлкөлөрдүн бул трендди түшүнүп, ИИ технологияларын интеграциялык демилгелердин алкагында активдүү өнүктүрүү зарылдыгын белгиледи.
Мындан тышкары, Ибраев ЕАЭБ алкагында «төрт эркиндик» келишимин толук ишке ашырууну дагы бир приоритет катары белгиледи. Бул товарлардын, кызмат көрсөтүүлөрдүн, капиталдын жана эмгек күчүнүн эркин кыймылын, ошондой эле эффективдүү транспорттук коридорлорду түзүүнү камтыйт.
Ал товарлардын импорттолуп, расмий түрдө каттоодон өткөндөн кийин, союздун беш өлкөсүнүн рынокторунда эркин жүрүп туруусу үчүн шарттарды түзүү маанилүү милдет болуп калганын кошумчалады.
