Суу ресурстары, айыл чарба жана кайра иштетүү өнөр жайы министри Эрлист Акунбеков Жалал-Абад облусуна жумушчу сапар менен барып, Сузак районунун Кызыл-Сенир айылында жайгашкан «Тойгонбай Ата» асыл тукум чарбасынын иши менен таанышып чыкты.
Министрликтин маалыматына ылайык, Салаваты Тойгонбаева жетектеген чарба 2023-жылы 22 баш голштин породасынан болгон сүт багытындагы сиырларды сатып алуу менен мал башын көбөйттү. Учурда жалпы сиырлардын саны 45ке жетип, сут өндүрүшүнүн күндөлүк көлөмү 850–900 литрди түзөт. Орточо бир сиыр күнүнө 28–30 литр сүт берет, ал эми 1 литр сүт 40 сомдон сатылат.
Министрликтин 2025-жылдын 15-майындагы №05/2-17/109 буйругунун негизинде «Тойгонбай Ата» асыл тукум чарбасы №50 күбөлүк жана голштино-фриз породасындагы ири мүйүздүү малды багуу үчүн «Фермердик асыл тукум чарба» статусун алды.
Бул чарба Жалал-Абад облусунун Сузак районундагы Кок-Булак участкасында жайгашкан жана учурда 4 адамга жумуш орундарын камсыз кылууда. Бул жылы Сузак районунун айыл чарба башкармалыгы чарбага 13 гектар сугарылуучу жана 9 гектар жайыт жерлерин бөлүп берди.
Жолугушуу учурунда фермер суу менен камсыздоо боюнча көйгөйлөрдү белгиледи. Министр болсо, жергиликтүү бийликке бул маселени карап чыгууну тапшырды жана фермердик чарбаны өнүктүрүүнүн маанилүүлүгүн баса белгиледи. ```
