Тема боюнча
Россияга жаңы эрежелер боюнча экспорт: тигүүчүлөргө СПОТ системасы жөнүндө эмне билүү керек
Урмат Такировдун айтымында, азыр товарларды жеткирүү процессин зарыл документтерди толтуруу эрежелерине ылайык, эркин режимде жүргүзүүгө болот. Жылдын башында кыргыз тарап Евразия экономикалык комиссиясына экспортчулар кездешкен тоскоолдуктар боюнча суроо менен кайрылган жана алты өткөрүлгөн жыйындын натыйжасында бардык талаштуу маселелерди тез арада чечүүгө жетишилди.
«Азыр Кыргызстандагы селлерлер өз товарларын Россия Федерациясынын мыйзамдарына ылайык, кабыл алуучуларды көрсөтүп жөнөтө алышат. Мисалы, Wildberriesке жүктөөдө документтерде кабыл алуучу катары орус Wildberriesди, ал эми Ozon үчүн — орус Ozonду көрсөтүү керек», — деп кошумчалады ал.
Чек арадан тоскоолдуксуз өтүшү үчүн, ишкерлерге эл аралык товардык-транспорттук накладная (CMR), товардык-транспорттук накладная (ТТН) жана эсеп-фактура (СФ) сыяктуу толук коштоочу документтер пакетин даярдоо керек.
Мындан тышкары, 1-апрелден баштап Товарды күтүүнү тастыктоо системасы (СПОТ) сыноого алынат, бул Россиядагы жүк кабыл алуучулардан документтерди милдеттүү түрдө каттоодон өткөрүүнү жана камсыздандыруу төлөмүн киргизүүнү талап кылат. Бирок, алдын ала маалыматтар боюнча, маркетплейстерге жеткирилген товарлар үчүн исключение каралган.
