Ибраевдин айтымында, биринчи кезектеги милдет агроөнөржай секторун колдоо болуп, бул айыл чарба өндүрүүчүлөрүнө биргелешкен өндүрүштөрдү түзүү үчүн финансылык ресурстарды алууга мүмкүндүк берет.
Логистикалык байланыштарды өнүктүрүү да анын пландарында маанилүү орунду ээлейт.
«Биздин максат — Ош — Бендер-Аббас коридорун Евразия экономикалык биримдигинин бир бөлүгү кылуу», — деп белгиледи ал.
«Биз курулуш же башка тармактарда, өлкө ичинде жана чет өлкөлөрдө карьераны тандаган адамдарга керектүү көндүмдөрдү алып, легалдуу иштөөгө мүмкүнчүлүк берүүнү каалайбыз», — деп кошумчалады ал.
Ошондой эле, ЕАЭС менен Индиянын ортосундагы соода келишимин даярдоо аяктоого жакын экенин жана анын кол коюлушу жакынкы убакта күтүлүп жатканын баса белгиледи.
Маалымат:
Бендер-Аббас — Ош транспорттук коридорунун идеясы 2021-жылы Кыргызстан менен Ирандын ортосундагы соода жана логистикалык байланыштарды күчөтүү үчүн сунушталган. Бул маршрут Иран, Түркмөнстан, Өзбекстан жана Кыргызстан аркылуу өтүп, кыргыз ишкерлерине Ирандын Бендер-Аббас портуна жана эл аралык деңиз жүк ташууларга түз кирүүнү камсыздайт. Бендер-Аббас порту Ирандагы эң ири порт болуп, өлкөнүн контейнер жүктөрүнүн болжол менен 90%ын иштетет жана жылдык жүк айланымы 25 миллион тоннага жакын.
