Суу ресурстары, айыл чарба жана кайра иштетүү өнөр жайы министрлигинен түшүндүрмөлөр
Жакында Кыргызстанда тоок жумурткаларынын баасы кескин жогорулаганын байкоого болот. Супермаркеттерде жана базарларда он жумуртканын баасы 160-170 сомго жетти.
Көптөгөн кыргызстандыктар социалдык тармактарда активдешип, баалардын кескин өсүшүнө таң калып, жумуртканын эмне үчүн мындай кымбат болуп калганын сурашууда.
Суу ресурстары, айыл чарба жана кайра иштетүү өнөр жайы министрлигинде баалардын жогорулашына Казакстан жана Россия тараптан жогорку талаптын таасир эткенин белгилешти, анда да ушул сыяктуу продукциянын оптом жана бөлшөк баалары өсүүдө.
Ошентсе да, министрлик учурдагы абалдын жергиликтүү өндүрүүчүлөр үчүн оң жагдайлары бар экенин баса белгилейт. Өткөн жылы баалар кыйла төмөн болгон, бул көптөгөн ишкерлердин жашап калуусуна коркунуч туудурган. Учурдагы баалардын өсүшү фермерлерге рыноктогу позицияларын калыбына келтирүүгө мүмкүнчүлүк берет.
Министрликтин маалыматына ылайык, Кыргызстан тоок жумурткалары менен 80% өзүн-өзү камсыз кылат.
Сүрөт www
