Анын айтымында, бул жылы кышкы мезгил абдан жылуу болду, бул болсо жаздын эрте келүүсүнө шарт түздү. Фермерлерге жаңы сезонго даярдык көрүү боюнча, суу үнөмдөөчү иш-чараларды өткөрүү, жерди иштетүү жана уруктар менен тыңайткычтарды алдын ала сатып алуу боюнча сунуштар берилген.
Бирок, Идрисовдун белгилөөсү боюнча, өлкөнүн түштүгүндө түшүм жыйноо кампаниясынын темпи бир аз төмөндөгөн, анткени региондо жамгыр жаап жатат.
Мисалы, Ош облусунда 500 гектар буудай жана арпа себилди.
Ведомствонун маалыматына ылайык, уруктар менен камсыздоо 87 пайызды түзөт. Уруктарды өстүрүү чарбаларында жана ири компаниялардын кампаларында жетиштүү уруктар запасы бар, ошондой эле 28 миң тонна тыңайткычтар киргизилген, жеткирүү уланууда.
Талаа иштерин жүргүзүү үчүн 7 миллион литр күйүүчү-майлоочу материалдар бөлүнгөн, баасы литрине 74 сом. Отунду материалдык резервдердин кампаларынан райондук айыл чарба өнүктүрүү башкармалыктары аркылуу алууга болот, деп билдирди чиновник.
