Бүгүнкү отурумда Финансылык, бюджеттик, ишкердик жана атаандаштыкты өнүктүрүү боюнча комитет Кыргыз Республикасынын «Кредиттик маалыматтарды алмашуу жөнүндө» мыйзамына өзгөртүүлөрдү киргизүү боюнча мыйзам долбоорун талкуулап, кабыл алды.
Бул мыйзам долбоору министрлер кабинетинин демилгеси менен сунушталган.
Экономика жана соода министринин орун басары Беназир Нурланова мыйзам долбоорун иштеп чыгуунун максаты кредиттик маалыматтар боюнча мыйзамдарды жакшыртуу экенин белгиледи.
Анын айтымында, мыйзам долбоорунда карыз алгандардын кредиттик маалыматтарын сактоо мөөнөтүн кыскартуу сунушталууда, бул кредиттерге жетүүнү жеңилдетет, банктарга жүктөмдү азайтат жана чакан жана орто бизнести өнүктүрүүгө жардам берет.
Депутаттардын сунуштарын эске алуу менен, мыйзам долбоорунда терс кредиттик тарыхты сактоо мөөнөтү 5 жылдан 2 жылга, ал эми оң кредиттик тарыхты сактоо мөөнөтү 7 жылдан 5 жылга чейин кыскартуу каралган.
