Мыйзам долбоору боюнча сунуш премьер-министрдин орун басарынан келип түшкөн.
Улуттук инвестициялар агенттигинин орун басары Жалын Жээналиев бул мыйзам долбоору өлкөдөгү инвестициялык климатты системалуу жакшыртууга жана стартаптар менен инновациялык компанияларга багытталган венчурдук инвестицияларды колдоого багытталганын белгиледи. Бул заманбап рыноктун талаптарына жана жалпы кабыл алынган эл аралык венчурдук ишмердүүлүк стандарттарына ылайык инвесторлорго кепилдиктерди берүү жана ыңгайлуу юридикалык шарттарды түзүүнү камтыйт.
Мыйзам долбоорунун алкагында «венчурдук финансылык (инвестициялар)», «венчурдук инвестор», «венчурдук башкаруучу», «венчурдук фонд», «бизнес-ангел», «стартап», «опциондук келишим» жана «опциондор пулу» сыяктуу терминдерди киргизүү пландалууда.
