Адистер Сокулук айылындагы Фрунзе көчөсүндө жайгашкан имараттарды текшерип, эки кабаттуу имараттын зарыл долбоордук жана уруксат документтерисиз курулуп жатканын аныкташты.
Текшерүүнүн жыйынтыгы менен ээсине төмөнкү чаралар көрүлдү:
- аныкталган мыйзам бузуулардын жоюлушу боюнча буйрук берилди;
- мыйзамдык талаптарга ылайык уруксат документтерин алуу тартиби түшүндүрүлдү;
- мыйзам бузуу үчүн жоопкерчилик тууралуу түшүндүрүү иштери жүргүзүлдү.
«Учурда объектинин ээси мыйзамсыз курулган имаратты өз ыктыяры менен бузууга киришти. Процесс башкармалыктын туруктуу көзөмөлүндө, ал аяктаганга чейин», - деп белгилешти Курулуш министрлигинде.
