Бишкекте Мамлекеттик салык кызматы тарабынан жүргүзүлгөн рейддик көзөмөлдүн натыйжасында тыюу салынган электрондук сигареттерди сатуу менен алектенген соода жайы аныкталды. Бул тууралуу ведомствонун басма сөз кызматы маалымат берди.
Соода жайы борбордун 7-микрорайонундагы турак үйдүн подвалында жайгашкан. Текшерүү учурунда анын ишмердүүлүгүн Э.Д.Ж. аттуу жаран уюштурганы белгилүү болду. Өнүмдөр кардарларга курьердик кызматтар жана такси аркылуу алдын ала белгиленген схема боюнча жеткирилген.
Операциянын натыйжасында 3000ден ашык никотин камтылган товарлар убактылуу алынган, алардын жалпы баасы 3 миллион сомдон ашат. Бул товарлар укук коргоо органдарына өткөрүлөт.
