Сапар учурунда Abu Dhabi Global Market (ADGM) жана Dubai International Financial Centre (DIFC) сыяктуу алдыңкы эл аралык финансылык борборлордун жетекчилиги менен сүйлөшүүлөр болду. Сүйлөшүүлөрдүн негизги темалары көз карандысыз жөнгө салуучу чөйрөнү түзүү, атайын финансылык соттордун иши жана эл аралык инвестицияларды тартуу болду.
Сыдыков ошондой эле ОАЭнын тышкы соода министри доктор Тани бин Ахмед Аль Зейуди менен жолугушуу өткөрдү, анда эки өлкөнүн экономикалык жана инвестициялык кызматташтыгын кеңейтүү мүмкүнчүлүктөрү талкууланды.
Бул жумушчу сапар атайын финансылык инвестициялык аймак «Тамчынын» келечектеги өнүгүүсү үчүн колдонулуучу эл аралык тажрыйбаны тереңирээк изилдөөгө мүмкүндүк берди.
- 2025-жылы Ысык-Көлдө түзүлгөн атайын финансылык инвестициялык аймак (СФИТ) «Тамчы» уникалдуу укуктук, салыктык жана валюталык режимге ээ болот. Ал чет элдик инвестицияларды санарип активдери, финансылык кызматтар жана туризм тармактарына тартууга багытталган. Бул аймактын резиденттери 49 жылга чейин көпчүлүк салыктардан бошотулат.
