Уметалиевдин айтымында, өкмөт ишкердикти колдоо боюнча активдүү иштерди жүргүзүүдө, бизнеске кредит берүү үчүн республикалык бюджеттен каражат бөлүүдө.
Темага байланыштуу 2026-жылы Кыргызстанда 113 өнөр жай ишканасын ачуу пландалууда
«Чакан жана орто бизнес үчүн кредиттер боюнча пайыздык ставкаларды субсидиялоо программасы 2030-жылга чейин иштейт. Жеңилдетилген кредиттер төрт банк аркылуу берилет жана инвестициялык муктаждыктарга, айланма капиталды толуктоого жана мурдагы карыздарды рефинансирлөөгө багытталышы мүмкүн. Негизги көңүл чакан жана орто бизнеске бурулат, ал өлкөнүн ички жалпы продукциясынын болжол менен 50% түзөт», — деди ал.
Ал ошондой эле бөлүнгөн каражаттын 60% региондордогу бизнеске колдоо көрсөтүүгө, 40% аял ишкерлерге жардам берүүгө багытталарын кошумчалады. Приоритеттүү тармактар экспортко багытталган тигүү өнөр жайы деп аталат.
Мындан тышкары, Уметалиев аталган программа алкагында стартаптарды колдоо каралганын баса белгиледи.
Анын маалыматына ылайык, быйыл жалпы кредит портфели 3,7 миллиард сомду түзөт.
