Иш-чарада шаардык кенештин төрагасы Болот Баетов, мэрдин биринчи орун басары Оморбек Тороев, депутаттар, мекемелердин жана ишканалардын жетекчилери, ошондой эле коомдук жана бейөкмөт уюмдардын өкүлдөрү, активисттер жана шаар тургундары катышты.
Бюджеттин негизги чыгымдары мамлекеттик кызматтарга, коргоого, экономикалык өнүгүүгө, турак-жай-коммуналдык кызматтарга, ошондой эле спорт, маданият жана социалдык коргоого, анын ичинде билим берүүгө багытталат.
Кеңешүү учурунда шаардыктар жана активисттер мүмкүнчүлүгү чектелген адамдар үчүн шарттарды жакшыртуу, социалдык коргоону каржылоону көбөйтүү жана «Алай-1» жана «Алай-2» аймактарында инфраструктураны өнүктүрүү боюнча сунуштарды беришти.
Ошондой эле айыл башкармалыктары үчүн финансылык жардам схемаларын жөнөкөйлөтүү, коомдук транспорттун маршруттук тармагын оптималдаштыруу, туруктуу электр энергиясын камсыз кылуу, шаар ичинде жолдорду оңдоо, ошондой эле Ош шаарындагы экологиялык жана санитардык абалды жакшыртуу маселелери талкууланды.
