Проекттердин жалпы баасы 21,6 миллиард сомду түзөт. Алардын жыйынды орнотулган кубаттуулугу 148,3 мегаватт, ал эми күтүлгөн жылдык электр энергиясын өндүрүү 629,7 миллион киловатт-саатты түзөт.
«Бул инициативалар өлкөдөгү электр энергиясынын учурдагы 16% дефицитин жабууга жардам берет жана улуттук энергетикалык системанын туруктуулугун бекемдейт», — деп кошумчалашты министрликтен.
Финанс министрлигинде ошондой эле, бул проекттерди ишке ашыруу жумуш орундарын түзөт, салык түшүүлөрүн көбөйтөт жана инфраструктураны, анын ичинде жолдорду жана электр өткөрүү линияларын жакшыртууга көмөктөшөт деп белгилешти.
«Жаңылануучу энергетиканы өнүктүрүү углерод изин азайтууга жана айыл чарба секторунда сугат мүмкүнчүлүктөрүн кеңейтүүгө мүмкүндүк берет», — деп баса белгилешти ведомстводон.
