2025-жылы Мамлекеттик дене тарбия жана спорт агенттигине бөлүнгөн финансылык каражат 13%га өстү. Агенттиктин орун басары Улан Кыдырбаев бул маалыматты жакында өткөн коллегияда билдирди.
Ал бөлүнгөн каражаттын негизги бөлүгү эмгек акы төлөөгө жумшалганын белгиледи:
- эмгек акы – 1 млрд 62 миң сом;
- коммуналдык чыгымдар – 69,8 миң сом;
- ремонттук иштер – 3 млн 15 миң сом;
- спортту өнүктүрүү – 1 млрд 163 млн сом.
Кыдырбаев 2024-жылы бөлүнгөн каражаттын жалпы суммасы 2 млрд 141 млн сомду түзгөнүн кошумчалады.
«2024-жыл менен салыштырганда, 2025-жылы финансылык каражат 13%га өстү. Бул мамлекеттин дене тарбия жана спортту өнүктүрүүгө болгон олуттуу кызыгуусун тастыктап турат», - деп баса белгиледи ал.
Коллегия Мамлекеттик дене тарбия жана спорт агенттигинде 2025-жылдын жыйынтыктарын чыгаруу жана ушул жылдын пландарын талкуулоо үчүн чогулду.
