Учурда өлкө жылына болжол менен 4 миллиард киловатт-сааттык жетишсиздик менен беттешүүдө.
Ибраев быйыл жаңы генератордук кубаттуулуктар ишке киргизилерин, алар болжол менен 400–500 мегаваттты түзөрүн баса белгиледи.
Учурда электр энергиясынын жетишсиздиги импорт аркылуу жабылууда. Министр күнүнө 55 миллион киловатт-саат деңгээлинде керектөөдө электр энергиясынын жарымын чет өлкөдөн сатып алууга туура келерин белгиледи.
Ошондой эле, 1-апрелге чейин Токтогул суу сактагычындагы суу деңгээли 6,8 миллиард кубометрге жетет деп болжолдонууда.
