Бул долбоор эл аралык финансылык борборду түзүүнү көздөйт, ал глобалдык капиталды, финтех жана IT чечимдерди тартууга багытталат, ошондой эле эл аралык соода жана жүк ташуу үчүн заманбап логистикалык түйүн болуп калат.
2035-жылга чейин офис имараттарын, турак жай комплекстерин жана туристтик инфраструктураны жалпы аянты 470 миң чарчы метрден ашык куруу этап-этабы менен ишке ашырылат деп пландалууда. Аймак үч зонага бөлүнөт: бизнес, логистика (учак майданчыгына жакын) жана рекреациялык.
Бизнесмендердин кызыкчылыктарын коргоо үчүн, англис укугуна негизделген эл аралык борбор иштейт.
Бул аймактын резиденттери 49 жылга чейин салык жеңилдиктерин алышат. Ошондой эле капиталдын эркин кыймылы, ийкемдүү валюталык режим жана 100% чет элдик катышуу менен ишканаларды түзүү мүмкүнчүлүктөрү каралган.
100 гектардан ашык аянтта маанилүү инфраструктура курулат, ал 2035-жылга чейин жылына 90 миң туристти тартат деп күтүлүүдө.
«Кыргыз Республикасы инвесторлор үчүн ачык. Биз ачык эрежелерди, сапаттуу коштоону жана узак мөөнөттүү стабилдүүлүктү сунуштайбыз. Сиздин ийгилигиңиз жаңы жумуш орундарын түзүү, технологияларды киргизүү жана экономикалык өсүштү билдирет. Бүгүн өлкөнүн экономикасы динамикалык өсүштү көрсөтүүдө: 2025-жылы ИДПнын өсүшү 11,1% деңгелинде болот деп күтүлүүдө, ал эми акыркы төрт жылда орточо реалдуу өсүш 10,2% түздү. «Тамчы» долбоору ушул өнүгүүгө жаңы импульс берет. «Тамчыга» кош келиңиз», — деди Адылбек Касымалиев.
