Бул объекттер шаардагы социалдык жана турак-жай инфраструктурасын өнүктүрүү үчүн пайдаланылат.
Атап айтканда, муниципалдык менчикке төмөнкү объекттер өткөрүлөт:
– жалпы аянты 7 218,5 кв. м болгон административдик имарат, Эркиндик көчөсүндө, 11-үйдө жайгашкан;
– Ашурова көчөсүндө, 1/1-үйдө жайгашкан 2 077,8 кв. м аянттагы жер тилкеси;
– Панфилов көчөсүндө, 34в-үйдө жайгашкан жалпы аянты 352,6 кв. м болгон турак эмес жайдын экинчи кабаты жана 147,7 кв. м аянттагы подвалдын бир бөлүгү;
– Курманбек көчөсүндө, 8/2-үйдө жайгашкан 800 кв. м аянттагы турак эмес жай.
Манас мэриясына көрсөтүлгөн объекттерди өз менчигине кабыл алуу, мамлекеттик кайра каттоо жүргүзүү жана бул объекттерди максаттуу пайдаланууну камсыз кылуу тапшырылды. Ошондой эле, мүлктүн көзөмөлүн жоготууга алып келиши мүмкүн болгон бардык аракеттер катуу тыюу салынат деп белгиленди.
Берилген мүлктү каттоо жана кайра каттоо менен байланышкан бардык каржылык чыгымдар Манас мэриясынын мойнуна алынат.
Мындан тышкары, 2024-жылдын 5-апрелиндеги № 126-р буйругу менен бекитилген «Менин үйүм 2021–2026» турак-жай программасы үчүн бөлүнгөн жер тилкелери тизмесинен 33-пункт алынып салынды.
Бул буйруктун аткарылышын Президенттин администрациясы көзөмөлдөйт. Документти Министрлер кабинетинин төрагасы Адылбек Касымалиев кол койгон.
