«Биздин лабораториялар иштеп жатат, жана ар бир фермер аларга кайрылса болот, ал кандай үрөн же көчөт колдонгонуна карабастан. Лабораторияларда оорулар менен жабыркагандыгы, үрөндөрдүн тазалыгы текшерилет, ошондой эле алардын күчү жана өнүп чыгуу энергиясы аныкталат. Анализден кийин сизге үрөндөрүңүздүн себүүгө жарактуу-жараксыздыгы тууралуу маалымат берилет», — деп кошумчалады министр.
Ал сертификаттар жок болсо да, үрөндөрдү текшерүү маанилүү экенин баса белгиледи, анткени бул алардын сапатына ишенүүгө жана агроөндүрүштүн натыйжалуулугун жогорулатууга жардам берет.
Мисал катары Торобаев 60 гектар жер аянтында аспарагус өстүрүү боюнча 15 жылдык келишимге кол койгон фермер тууралуу айтып берди жана эл аралык компания менен кызматташып жатканын белгиледи. Ал продукцияны ишке ашыруунун ийгилиги көп учурда жогорку сапаттагы үрөндөрдү туура тандоого байланыштуу экенин айтты.
