Өткөн жылдын августунда киргизилген тыюу ички рынокто эт продукциясынын баасынын кескин жогорулашын алдын алууга жардам берди, деп белгиледи Чекирбаев.
«Бул демилге бааларды туруктуу деңгээлде кармап турууда маанилүү роль ойноду. Учурда биз жогорку инфляциянын сакталуусунан улам тыюунун мөөнөтүн бир нече айга узартуу мүмкүнчүлүгүн карап жатабыз», — деп кошумчалады ал.
Улуттук банктын маалыматына ылайык, азык-түлүк товарларына болгон инфляция жалпы структурада төмөндөгөнүнө карабастан, азык-түлүк эмес товарлардын баасы жогору бойдон калууда.
«Эттин баасы туруктуу деңгээлде жана кескин өзгөрүүлөрдү көрсөтпөй жатат. Министрлик жергиликтүү бийликтери менен биргеликте бааларды үзгүлтүксүз көзөмөлдөп турат», — деп баса белгиледи ал.
Маалымат:
2026-жылдын 10-февралында Суу ресурстары, айыл чарба жана кайра иштетүү өнөр жайы министрлиги жаны малды экспорттоого тыюуну алты айга узартуу боюнча мыйзам долбоорун коомдук талкууга чыгарды. Бул чара ички рынокту эт менен камсыз кылууга жана бааларды туруктуу кармап турууга багытталган, ошондой эле жогорку керектөө жана инфляциялык коркунучтардын шартында.
