Адистер жогорку өндүрүмдүү асыл тукум малдын үлүшүнүн өсүшү аркылуу жайыттарга болгон жүктөмдү 5% га төмөндөтүүгө болорун билдиришет.
«Бул азыраак, бирок өндүрүмдүү малды, эт жана сүт багытында, кармоо экономикалык жана экологиялык жактан көбүрөөк пайда алып келерин билдирет», - деп кошумчалады Керималиев.
Бул аракеттердин алкагында өлкөгө Aberdeen Angus, Simmental жана швед тукуму сыяктуу жогорку сапаттагы асыл тукумдардын уруктары алып келинди. Фермерлер уруктук материалды ветеринардык жана техникалык кызматтар аркылуу алышып, ошондой эле асыл тукум мал чарбасын өнүктүрүү программасынын алкагында кеңеш алышат.
Министрдин орун басары ошондой эле күзгү сезон аяктагандан кийин жаңы тукумдардын өсүшү жана өндүрүмдүүлүгү боюнча анализдер жүргүзүлүп, ишке ашырылган долбоордун натыйжалуулугун баалоого мүмкүнчүлүк берет деп белгиледи.
