Бул долбоордун негизги максаты — каттоо боюнча арыздарды кабыл алуудан электрондук күбөлүктү берүүгө чейин бардык этаптарды толук автоматташтыруу.
Автоматташтырылуучу процесстердин арасында:
- электрондук форматта арыздарды кабыл алуу;
- берилген документтерди алдын ала текшерүү;
- QR-кодду колдонуу менен кызматтарды төлөө мүмкүнчүлүгү;
- электрондук арыздарды лабораторияларга жөнөтүү жана электрондук цифралык кол тамга (ЭЦП) менен протоколдорду алуу;
- Борбордун директору тарабынан электрондук чечим кабыл алуу;
- QR-код менен электрондук күбөлүк түзүү;
- катталган дары-дармектердин реестрин жүргүзүү;
- издөө жана аналитика үчүн модулду ишке киргизүү.
Ветслужбанын өкүлдөрүнүн айтымында, арыз берүүлөр ЭЦП колдонуу менен онлайн режиминде документтерди тапшыруу, арыздын каралып жатканынын статусун реалдуу убакытта көзөмөлдөө жана анын жүрүшү тууралуу маалымат алуу мүмкүнчүлүгүнө ээ болушат. Арызга жооп автоматтык түрдө түзүлүп, Борбор тарабынан жөнөтүлөт.
«Бул системанын ишке ашырылышы арыз берүүлөр, лабораториялар жана Борбор арасында электрондук документ жүгүртүүнүн бирдиктүү механизмин түзүүнү камсыздайт. Мындан тышкары, АИС башка мамлекеттик маалыматтык системалар менен интеграцияланат», - деп кошумчалашты ведомстводон.
