Бул билдирүүгө Министрлер кабинетинин орун басары жана айыл чарба министри Бакыт Торобаев жооп берди. Ал Фитосанитардык кызматтын өз алдынча орган экенин, тиешелүү деңгээлде көзөмөл жүргүзүп жатканын айтты.
«Мурда өлкөгө сапатсыз, көп учурда инфекцияланган жана эч кандай сертификатсыз урук келчү. Бирок эффективдүү көзөмөлдүн аркасында мындай жагдайлар азыркы учурда байкалбай калды», - деп кошумчалады ал.
Жыйында ошондой эле 2026-жылы жазгы талаа жана чарба иштерине даярдык тууралуу Кыргыз Республикасынын Суу ресурстары, айыл чарба жана кайра иштетүү өнөр жайы министрлигинен маалымат талкууланды.
