Министерлик акыркы беш жылда мамлекеттик көзөмөлдү күчөтүүгө багытталган маанилүү реформалар жүргүзүлгөнүн белгилейт. 2024-2025-жылдары сегиз ири долбоор башталган жана 2025-жылы 105 жаңы лицензия берилген. Учурда 2014 лицензия иштеп жатат.
Бул өзгөрүүлөрдүн натыйжасында акыркы беш жылда тоо өнөр жайынан бюджетке 217,9 миллиард сомдон ашык каражат түшкөн, бул 3,5 эсе өсүүнү билдирет. 2025-жылы рекорд орнотулуп, түшүүлөр 65,4 миллиард сомду түзгөн.
Жыл ичинде лицензиялар боюнча 40 аукцион өткөрүлүп, бюджетке 105 миллион сомдон ашык каражат түшкөн.
Мындан тышкары, 2025-жылы экологиялык мыйзам бузуулар боюнча 5749 учур катталып, 143,2 миллион сомдук зыян төлөнгөн. Ошондой эле, "Экооператор" мамлекеттик ишканасы түзүлүп, утилизациялык төлөмдөрдөн 74 миллион сом алган.
