Ал эгер долбоорго болгону эки өлкө катышса, аны кооперациялык долбоор деп эсептөөгө болбой турганын белгиледи.
Ашымбеков ошондой эле өлкөлөрдүн долбоорго салымдарына коюлган негизги талаптарды айтты.
Анын айтымында, технологиялык камсыздоо минимум 10% болушу керек, ал эми инженердик кызматтар 5% кем эмес болушу шарт. Ошондой эле, бир өлкөдөн бир нече компаниялар катыша алаарын кошумчалады.
Кооперациялык долбоорлорго кичи жана орто ишканалар катыша алат, бирок чет өлкөлүк инвестициялардын үлүшү 50% дан ашпашы керек.
Ал кооперациянын приоритеттүү багыттарына машина куруу жана оор өнөр жайды киргизди, ошондой эле агроөнөр жай комплексин приоритеттердин тизмесине киргизүү мүмкүнчүлүгүн карап жатканын айтты.
Ашымбеков Кыргызстан бир катар артыкчылыктарга ээ экенин, анын ичинде чийки зат ресурстары, эмгек күчү, салыктардын салыштырмалуу төмөн ставкасы жана өндүрүштү локалдаштыруу үчүн мамлекеттик колдоо чаралары бар экенин баса белгиледи.
