Анын айтымында, ар бир өлкө өзүнүн айыл чарбасын ар кандай жолдор менен колдоого аракет кылат, анын ичинде жеңилдетилген кредиттерди берүү, салык жеңилдиктери жана башка артыкчылыктар. «Даже Европанын өнүккөн өлкөлөрүндө бул тармакта кыйынчылыктар пайда болууда, бул айыл чарбасынын табигый шарттарга болгон көз карандылыгы менен байланыштуу», - деп белгиледи Дуйшеев.
Ал фермерлер үчүн банктын кредиттери темасына да токтолду. «Мен бул тармакта эки жыл иштеп жатам, жана азыркы учурда бизде кредиттерди кечирүү практикасы жок. Соңку төрт-беш жылда биз айыл чарбадагы банктын ишмердүүлүгүн анализ кылдык. Кредиттердин кайтарымы кыйла жакшырды. Эгер мурда 30–40% гана кайтарылса, 50–60% кайтарылбай калса, учурда кырдаал өзгөрдү. Бүгүнкү күндө берилген кредиттердин 90% дан ашыгы кайтарылууда», - деп кошумчалады министрдин орун басары.
