Ал жергиликтүү тургундар Байтикте жана анын тегерегиндеги аймактарда аэропорт куруу пландарына каршылыгын билдиргенин айтты.
«Тургундар курулуш үчүн бош жерлер эмес, мурда эле турак жайлар жайгашкан участкалар сунушталып жатканын белгилешет. Бүгүнкү күндө экологиялык таасир жана бул долбоордун социалдык кесепеттери боюнча милдеттүү корутунду берилген жок. Аэропорт өзгөчө режимдеги объекттерге кирет, бул курулуш мүмкүнчүлүктөрүн кыйла чектеп, бүт райондун өнүгүшүн узак жылдарга токтотушу мүмкүн», — деп депутат тургундардын сөздөрүн окуду.
Ал бул билдирүүгө көңүл бурууга чакырып, долбоордун статусу боюнча расмий жооп жана жергиликтүү тургундардын пикирин эске алуу боюнча коомдук угуу өткөрүү пландары тууралуу маалымат сурады.
Жыйында ошондой эле Кыргыз Республикасынын Суу ресурстары, айыл чарба жана кайра иштетүү өнөр жайы министрлигинин 2026-жылга карата жазгы талаа жана чарба иштерине даярдык тууралуу маалыматы талкууланды.
