Торобаев ошондой эле Чүй облусунда 27 суу объектин куруу пландалганын белгиледи. Депутат региондогу ирригациялык каналдардын абалынын критикалык экенине көңүл бурду. Министр өзүнүн министрлик кызматка дайындалган учурда айыл чарба министрлигинде жалпы 28 миң километр каналдын ичинен болгону 6 миң километр канал каттоодо экенин эске салды. Ал бул убакыт аралыгында дагы 2 миң километр кошууга жетишкенин, жалпы көлөмдү 10 миң километрге жеткирүү максатында иш алып барылып жатканын кошумчалады.
Эсенаманова Кара-Балта жана Чүй облусунун башка аймактарында ирригациялык системалардын абалы өтө начар экенин белгиледи: көптөгөн каналдар толуп, бузулуп же иштебей жатат, бул болсо түшүмдүн азайышына жана кургак мезгилдерде суу жетишпестигине алып келет. Жыйында ошондой эле 2026-жылга жаздык талаа иштерине даярдык боюнча Кыргыз Республикасынын Суу ресурстары, айыл чарба жана кайра иштетүү өнөр жайы министрлигинен маалымат каралды.
