Көрсөтүлгөн жылдарда экспорт эки эсе көбөйсө, импорт болжол менен 1,5 эсе өстү. 2024-жылы ЕАЭБ өлкөлөрүнүн Кыргызстандагы тышкы соода структурасындагы үлүшү 30%дан ашып, экспортто 40% чамасында болду. 2024-жылга карата жыйынтык маалыматтар боюнча союз менен өз ара соода көлөмү 5,5 миллиард долларга жетип, 2023-жылга салыштырганда 20%га көбөйдү.
Атап айтканда, ЕАЭБ өлкөлөрүнө экспорт 1,7 миллиард долларды түзүп, 20%га өстү, ал эми импорт 3,8 миллиард долларга жетип, 15%га жогорулады.
2025-жылдын биринчи 11 айында ЕАЭБ менен өз ара соода көлөмү болжол менен 4,9 миллиард долларды түзүп, өткөн жылдын ушул мезгилине салыштырганда 1,3%га көбөйдү. Экспорт 1 миллиард доллардан ашып, импорт 3,9 миллиард долларды түзүп, 17,7%га өстү.
Турдукожоева Кыргызстан негизинен ЕАЭБ өлкөлөрүнө сүт азыктары, жемиштер жана жашылчалар, кургатылган жемиштер, кийимдер жана аксессуарлар, ошондой эле айнектен жасалган буюмдар жана башка керектөө товарларын экспорттой турганын белгиледи. Импортто мунай продуктулары, өндүрүш үчүн зарыл болгон сырьё жана аралык товарлар, республикада жок же чектелген товарлар камтылган.
