Мындан тышкары, Жалал-Абад облусунун ички иштер башкармалыгынын кызматкерлери да иш-чарага катышты.
Жабыркаган үлүш ээлери курулуш объекттерин камакка алынган компаниянын мүлкүн колдонуп аяктоо жана материалдык зыянды калыбына келтирүү боюнча маанилүү маселелерди көтөрүштү.
Аширходжаев жыйналгандарга, кылмыш ишин иликтөө алкагында компаниянын директору камакта экенин жана тергөө иштери улантылып жатканын билдирди.
Пресс-кызматтын маалыматына ылайык, Жалал-Абад облусунда ОсОО «Дастан Курулуш» боюнча 66 материал катталган, алардын ичинен 41 факты боюнча кылмыш иштер ачылып, бир өндүрүшкө бириктирилип, соттук кароого жөнөтүлгөн.
Түзүлгөн зыяндын жалпы суммасы 36 млн сомдон ашат.
Жолугушуунун аягында министрдин орун басары жарандардын кайрылуулары каралаарын, бардык фактылар мыйзам алкагында кылдат иликтенерин жана жабыркагандардын укуктарын коргоо үчүн зарыл чаралар көрүлөөрүн баса белгиледи.
КР Юстиция министрлигинин маалыматы боюнча, ОсОО «Дастан Курулуштун» жетекчиси Мамашарип уулу Уланбек, ал эми негиздөөчүсү — Джусупов Мелис Ромидинович.
