Транспорт жана байланыш министри Абсаттар Сыргабаев быйылкы жылы жол тармагында маанилүү долбоорлорду ишке ашыруу пландары менен бөлүштү.
Приоритеттүү багыттардын бири Барскоон – Бедель – Уч-Турфан жолунун курулушу болуп саналат.
«Бул долбоор Кыргызстанды Кытай менен байланыштырып турган үчүнчү коридор болот. Биз анын курулушун баштайбыз. Ошондой эле Балыкчы – Барскоон – Каракол унаа жолунун долбоорун 31-августка чейин аяктоо зарыл. Бул үчүн 8 миллиард сом талап кылынат. Мындан тышкары, Нарын – Баетов жолунун узундугу 120 чакырымды түзөт. 30 чакырымдык бөлүктө биринчи асфальт катмары төшөлдү, жана быйылкы жылы биз долбоорду толук аяктап, пайдаланууга берүүнү пландап жатабыз», — деди министр.
Сыргабаев Бишкектеги Түндүк айланма жолунун курулушуна да көңүл бурду.
«Бул жол өлкөдө биринчи категорияга кирген биринчи жол болот. Ал алты тилкелүү болуп, эстакадалык көпүрөлөр менен жабдылат. Бул долбоордун негизги максаты шаардагы тыгындарды жоюу», — деп кошумчалады ал.
