2026-жылы 13 333 үй-бүлө Эмгек, социалдык коргоо жана миграция министрлигинен социалдык контракт программасы боюнча жардам алат. Бул тууралуу Эмгекти орноштуруу боюнча башкармалыктын жетекчи адиси Жалын Токтосунов билдирди.
Анын айтымында, учурдагы жылы 13 миңден ашык жаран бул программа аркылуу өз бизнесин өнүктүрүү үчүн 150 миң сом алууга мүмкүнчүлүк алышат. Ушул эле учурда катышуучулар «Элдик Банк» жана «Айыл Банк» сыяктуу мамлекеттик банктарда 200 миң сомго чейин жеңилдетилген кредит алууга мүмкүнчүлүк алышат.
Мындан тышкары, айыл чарбасымен алектенген үй-бүлөлөр үчүн акысыз окуу курстары каралган. Жалын Токтосунов: «Эгерде сиз агрардык тармакта билимдериңизди тереңдетүүнү кааласаңыз, тиешелүү башкармалыктарга кайрылып, окуудан өтсөңүз болот» деп белгиледи.
Социалдык контракт программасынын максаты — аз камсыз болгон үй-бүлөлөргө колдоо көрсөтүү, ишкерликти өнүктүрүүгө жардам берүү жана калктын жумуш менен камсыз болушун жогорулатуу.
