Кызыл-Киядагы Ленин көчөсүндө жайгашкан 7 кабаттуу турак үйдүн курулуш иштерин текшерүү учурунда коопсуздук техникасынын талаптарына жооп бербегендиктер табылды.
«Инспекциянын жыйынтыгы боюнча ОсОО «Золотой Квадрат» компаниясына карата Кодекс «Мыйзам бузуулар жөнүндө» негизинде акт түзүлдү», - деп билдиришти Курулуш министрлигинен.
Курулуш фирмасына 200 миң сом өлчөмүндө айып пул салынды жана эскертүү берилди», - деп кошумчалашты министрликтен.
Учурда инспекторлор башка курулуш алаңдарында текшерүү иш-чараларын улантууда.
Кыргызстан Республикасынын Юстиция министрлигинин маалыматына ылайык, ОсОО «Золотой Квадрат» Талайбек уулу Нурбек тарабынан башкарылат, ал эми анын негиздөөчүсү Ботояров Мамасыдык Абдугуламович.
