Евразия экономикалык комиссиясынын кеңеши Евразия экономикалык бирлигинин аймагында колдонулган карантиндик фитосанитардык контролго байланыштуу эрежелерди жаңылады. Бул маалымат Кыргыз Республикасынын Ауыл чарба министрлигинде айтылды.
Өзгөртүүлөр адилеттүү рынок катышуучулары үчүн ыңгайлуу шарттарды түзүүгө жана фитосанитардык контролдун ачыктыгын жана натыйжалуулугун жогорулатууга багытталган.
Жаңы редакциядагы нормалар карантиндик продукциянын кабыл алуучулары тууралуу жалган маалыматты фитосанитардык сертификаттарда көрсөтүүнүн алдын алууга жардам берүүчү чараларды камтыйт. Бул, өз кезегинде, мыйзам бузууларды азайтууга жана Союздун аймагында товарлардын кыймылын көзөмөлдөөнү жакшыртууга мүмкүндүк берет.
Ошондой эле, жаңы өзгөртүүлөр ЕАЭСтин бардык өлкөлөрүндө карантиндик фитосанитардык коопсуздукту күчөтүүгө жана контролду жогорулатууга багытталган. Бул чараларды ишке киргизүү айыл чарбасын коргоого, карантиндик объектилердин жайылышын алдын алууга жана жалпы рынокто туруктуулукту камсыз кылууга көмөктөшөт деп күтүлүүдө.
