Сыдыков өлкөдө 1 миңден ашык кен орундары катталганын, бирок алардын жарымынан азы активдүү иштетилерин белгиледи.
«Дүйнөдөгү 20 критикалык минералдын ичинен республикада болгону жети түрү иштетилет», — деп кошумчалады ал.
МДСтин жетекчиси, кен казуу секторунун ийгиликтүү өнүгүшү үчүн заманбап технологиялар, жогорку квалификациялуу адистер жана инвестициялар керек экенин баса белгиледи. Анын айтымында, геологиялык маалыматтарды жеткиликтүү кылууга жумшалган ар бир доллар $7,3 киреше алып келиши мүмкүн.
Аскар Сыдыков ошондой эле Кыргызстан дагы эле GORC эл аралык стандарттарын жана башка заманбап геологиялык маалыматтарды жүргүзүү ыкмаларын адаптациялаган жок экенин белгиледи.
«B5+1» инициативасы Эл аралык жеке ишкердик борбору (CIPE) тарабынан «Ортолук Азияда бизнес чөйрөсүн жакшыртуу» (IBECA) программасынын алкагында, АКШнын Мамлекеттик департаменти тарабынан колдоого алынууда.
