Ишканада демонстрация учурунда терең жерди жараткан агрегат (чизель) көрсөтүлдү, ал ресурстарды үнөмдөөчү айыл чарба системасында колдонулат. Бул агрегат жерди 40тан 70 сантиметрге чейин жаратканга мүмкүндүк берет, бул болсо тыгыздалган жер астындагы катмарды бузуп, суу өткөрүмдүүлүктү жана нымдын сакталуусун жогорулатат, ошондой эле аба алмашууну жакшыртып, өсүмдүктөрдүн тамырлары үчүн оптималдуу шарттарды түзөт.
Адистер заманбап мелорациялык технологияларды киргизүү жердин абалын жакшыртууга жана айыл чарба өсүмдүктөрүнүн түшүмдүүлүгүн 30–35%га жогорулатууга мүмкүндүк берерин белгилешет.
Бул технологиялар эгинди себер алдында даярдоо этаптарында, ошондой эле тыгыздалган жана деградацияланган жерлерди калыбына келтирүүдө колдонулат.
Министр жаңы технологияларды тесттик режимде киргизүүнүн маанилүүлүгүн белгилеп, мелорацияны өнүктүрүү жана айыл чарба тармагындагы техниканы жаңылоо айыл чарба саясатынын негизги багыттары экенин айтты.
«Айыл чарбасын өндүрүмдүүлүгүн жогорулатуу үчүн илимий негизделген жер иштетүү керек. Жерди жыртуудан жана себүүдөн мурун, жердин абалын талдоо жүргүзүү маанилүү, бул анын азык заттарына болгон муктаждыктарын так аныктоого жана ушул негизде оптималдуу агрономиялык чечимдерди тандоого мүмкүндүк берет», — деп кошумчалады ал.
Мындан тышкары, Бакыт Торобаев мамлекеттик программа алкагында 2025-жылы айыл чарба өндүрүүчүлөрү жана асыл тукум чарбалары үчүн 2,5 миллион долларга айыл чарба техникасы сатып алынарын жана ал лизинг шартында берилерин билдирди.
